எல்லாம்..

கோயில் உபயத்தில்
எல்லாம் இருந்தன

தேங்காய், வாழைப்பழம், சூடம், சாம்பிராணி
கும்பம், பூ, ஊதுபத்தி, திருநீறு, குங்குமம்,

மந்திரம் சொல்லும் ஐயர்
உபயத்தில் கலந்துகொள்ள உறவினர்கள்
வழக்கமாய் வரும் பக்தர்கள்

கும்பாபிஷேகம் கண்டு
பொலிவாய் வண்ணத்தில் காட்சிதரும்
திருக்கோயில்

அதற்கும் மேலாய்
நான் வழிபடும் திருமுருகன்

எல்லாம் இருந்தன
என் உயிர்த்தமிழைத் தவிர